Thread
Print

<一派胡言>缺德龍友影雀變殺雀

<一派胡言>缺德龍友影雀變殺雀

亂噏當秘笈

http://hk.apple.nextmedia.com/te ... amp;art_id=16105979

【記者盧勁業報道】隨着數碼單反相機普及,愈來愈多龍友為「藝術」而罔顧公德,不少龍友帶同蟲餌誘拍攝過境的珍貴候鳥,有生態專家指這樣除令雀鳥離開牠們慣常的活動範圍、改變其覓食行為之餘,更可致其死亡。

「小鱗胸鷦好快變家禽」

近日有網友張貼龍友用蟲引雀拍攝的相片,惹生態愛好者公憤,已有 3,000多人次點擊。相中 20多名穿迷彩服裝的攝影愛好者,拿着長鏡頭瞄準斜坡。網友 littlelittle說:「大埔滘咁大,佢哋點知隻雀會係嗰度現身?」後來他聽到有電子發聲器播出雀聲,隨着有人在膠盒中拿出幾條蟲後爬上斜坡,放在木頭上,不消兩分鐘,果然有雀鳥來覓食,快門聲音隨即響起。
據生態攝影愛好者表示,這些龍友是為拍來港過冬的小鱗胸鷦(眉鳥)而來,在他們不停餵食下,「隻小鱗胸鷦好快會變家禽,佢遲啲會以為聽到雀聲就係叫開飯」!亦有網民擔心小鱗胸鷦是在樹林地面活動的隱蔽鳥種,一旦習慣走出開揚地方,很易成為其他動物的美點。
香港大學生態學及生物多樣性學系助理教授侯智恒博士直言,「生態攝影價值在於捕捉到難能可貴一刻,人人都有嘅相,咁有乜意思」?被餵的候鳥可能因此離開原本的棲息地:「可能遲咗離開香港、遲咗生蛋,同時令佢哋警覺性下降。」
香港觀鳥會前主席張浩輝則指「龍友餵嗰啲通常都係遷徙鳥,未聽過啲雀會食到唔捨得走。但始終啲雀自己搵食,家有人負責埋佢哋食物,有可能會改變佢哋習性」。
張浩輝表示,過往聽過有龍友將蟲仔用針釘樹上,結果雀鳥連針帶蟲吞下亡。張浩輝解釋,龍友很多時希望在光線足夠、構圖美觀的構圖下拍攝而引雀。

違《野生動物保護條例》

負責管理郊野公園的漁護署表示,如果餵雀令雀鳥受傷,是違反了香港《野生動物保護條例》。該署人員過去曾經發現個別攝影人士在大埔滘自然護理區內以蟲餌誘拍雀鳥,已即時勸喻他們停止。

TOP

呢篇野笑左我半日
針釘蟲仔作餌 小鳥吞下身亡 缺德龍友影雀變殺雀-----標題講到真係發生左咁
大埔滘咁大,佢哋點知隻雀會係嗰度現身?-------佢知唔知大埔滘有幾多小鱗胸鷦鶥
小鱗胸鷦來港過冬------佢幾時變左候鳥,嘩!!! 整整下連個鶥字都冇埋   
被餵的候鳥可能因此離開原本的棲息地------掛住食離開屋企?? ;P

'隻小鱗胸鷦好快會變家禽,佢遲啲會以為聽到雀聲就係叫開飯'
'家有人負責埋佢哋食物,有可能會改變佢哋習性'
餵慣餵熟又聽慣聲,佢地個7個鐘去左邊?可能習牲已改,太過好食好住,肥得滯,去左纖身班,做下尖都唔定 ;P ;P ;P  
http://www.dchome.net/viewthread.php?tid=1112543&extra=page%3D4
http://www.dchome.net/viewthread.php?tid=1111930&extra=page%3D4
http://www.dchome.net/viewthread.php?tid=1111318&extra=page%3D4

台灣雀黎架,唔同色架 ;P ;P ;P ;P


連圖鑑嘅相都拎埋出黎當放虫影,鳥會都比佢過左一幢 ;P ;P ;P
係呢,點解咁開揚嘅?唔係樹林地面活動的隱蔽鳥種咩?
人地纯天然影架,我問過相主,佢完全唔知張相比人用左係報纸,即係話張相係偷嘅 又或者係經鳥會比記者嘅,因為相主只比過相鳥會印圖鑑用,希望鳥會澄清一下


一篇咁嘅報導,係唔係一派胡言?隨口噏當秘笈?
更顯放料比記者嘅人有幾專業,對鳥類認識有幾深;P
張先主及候博士所說皆是"可能",即係講乜都得
這是繼'飛背一定係上島影'之後又一力作,利用傳媒企圖製造輿論蒙騙一般唔識雀仔嘅人.

都係漁護署最中肯,唔係成日拋d 170章乜乜乜出來
負責管理郊野公園的漁護署表示,如果餵雀令雀鳥受傷,是違反了香港《野生動物保護條例》。該署人員過去曾經發現個別攝影人士在大埔滘自然護理區內以蟲餌誘拍雀鳥,已即時勸喻他們停止。

P.S. 張先生,閣下所講'過往聽過有龍友將蟲仔用針釘樹上,結果雀鳥連針帶蟲吞下亡'是否講香港?如果係講台灣,我用啱啱係BWA身上學番黎及係保育網斷章取義返黎嘅說話同你講聲
I'm not sure about what happens at Taiwan
另外最緊要一點係, 我覺得唔可以將香港case同外國比較.. by blaxxxogxo

[ Last edited by VRII at 28/02/2012 02:00 ]

TOP

Quote:
Original posted by HFCheung at 28/02/2012 16:17
"P.S. 張先生,閣下所講'過往聽過有龍友將蟲仔用針釘樹上,結果雀鳥連針帶蟲吞下亡'是否講香港?如果係講台灣,我用啱啱係BWA身上學番黎及係保育網斷章取義返黎嘅說話同你講聲"

記者訪問,我盡所知回答,事後看網上討論才更 ...
張先生,
從閣下過往的言論,是比較中肯及温和的,如果對方處事與你一樣,定必天下安寧,被攻擊的一方根本從未主動在這裏攪事,就算被攻擊,大多數都保持沉默,來來去去都係得幾個好管閒事如我之人因睇唔過眼而出聲.
我上段回覆引用閣下的聽聞,是想引出我所帶出的兩段說話,在以往的爭論中,攻擊別人的一方經常引用外國例子以加強他們的理據,但當有人舉外國例子,有意或無意認同被攻擊的一方時,就會收到那兩句意思的回覆,可見他們只為攻擊,其他一概視而不見,並非有意對閣下作出挑釁,在此向閣下說聲抱歉.

TOP

Quote:
Original posted by Sze at 29/02/2012 02:20
一些題外話的資料分享及補充。

小鱗胸鷦鶥 Pygmy Wren Babbler,不是新聞中所說的冬候鳥,而是留鳥,即全年也在香港。根據《香港及華南鳥類》及鳥友間普遍流傳的觀鳥資料,均指此鳥行藏隱秘,喜在林區密林下的地面走動,動靜似鼠,常只聞其聲,不見其影。我自己觀鳥8年,在大埔滘常聽牠的叫聲,但也只是見過牠的身影1次,請留意是身影,而非真的清楚看見牠。

另外,對於在米埔放魚,在塱原種米及在大埔滘放蟲,我個人認為有一個很細微的分別之處,就是鸕鶿及鷺鳥本身是偏好在開闊的魚塘、河流或海邊捉魚覓食;而文鳥及鵐這些愛吃禾本科植物種子(如:稻米)的雀鳥也是本身就偏好在開闊的稻田中覓食;可是小鱗胸鷦鶥本身卻是喜歡躲藏在林底的地面覓食,但現在那群鳥攝人士卻是刻意地以蟲及播放鳥鳴聲將牠吸引至離開林底隱蔽地方,走到較開揚,較少植物遮蔽的地方覓食。

米埔是將魚放在鸕鶿及鷺鳥平常覓食的地方,而塱原也是將稻米種在文鳥及鵐平常覓食的地方。故此,如那群鳥攝人士也是愛鳥,只是一心想請鳥兒吃一頓免費午餐的話,那為何不把蟲兒隨意掉到林內,而只是將蟲放在他們事前預設好的佈景木上呢?

大部分鳥攝人士都會在網上互相觀摩及學習他們覺得"正"的攝影技巧,當台灣有人用"大頭針"技巧,試問有誰可保證其他世界各地,包括香港的鳥攝人士不會仿傚呢?我們未親眼目睹的不代表不存在,就算現在不存在,也難保將來不會出現,除非我們很希望有同樣情況發生,否則我想不到我們不作任何防治工作的理由。
等我嘗試用你嘅方式去回應放魚種米(我個人不反對放魚種米).
"我們未親眼目睹放魚種米引雀對雀鳥的影嚮,不代表不存在,就算現在不存在,也難保將來不會出現影嚮,除非我們很希望有影嚮,否則我想不到我們不作任何防治工作的理由。"
係咪要做d野咁呢?可能真係有影嚮喎,係你未睇到之嘛


我本人係唔認同用大頭針,見到有人用,我會即場制止,而唔係返去Be Lee Ba La. 不過我今年仲未見過有人用.


放虫引雀嘅位置通常係有人見到隻雀係果個位出現,先至係果度放虫,唔係是旦掉條虫,放下聲,隻雀就會椿出黎,如佢出沒個環境有重大改變,佢多數唔會再出現.如果好似你咁估,放邊就出邊,我引佢去维園草地影啦,使鬼由得佢係個暗位用幾千iso影咩.
重有,隻雀唔係一見虫就衝出黎,而係小心奕奕,左顧右盼,睇清睇楚先逐步逐步行近,一有咩唔對路即閃.
拿,唔識嘅野就唔好亂估,唔好信網上個d未觀察過嘅人亂咁噏,放錯料又要兜架啦.

TOP

Quote:
Original posted by UCLA at 4/03/2012 18:22
講到好似很嚴重  據你們所知在過往一年或二年  用餌攝雀鳥  有幾多隻呢??
佢地嘅邏輯認為一隻小麟胸鷦鶥(如果真係)冇左揾食技能,等如全部小麟胸鷦鶥都一樣,所以呢个問題係多餘嘅

TOP

Quote:
Original posted by Hung at 4/03/2012 14:33
沒有強力證據=可以任意妄為?
大家好,我是路人戊

沒有真實論據證明放餌播聲對本地野鳥的影響甚大,難道就可以任意妄為嗎?
在大街你絕對可以大聲講粗口,既沒有方法,途人又可以當耳邊風,你會這樣做嗎?
在博物館你絕對可以食著野參觀,沒有明文規定不准飲食,又沒有人會理你你會這樣做嗎?
我相信很多人的答案是不會,因為我相信絕大部分人都懂得什麼叫做尊重,在適當的地方做適當的事情。

放餌也許對整體生態來說也許不是有很大的影響,但就代表我們就可以放餌嗎?
放了餌,拍攝目標鳥種可說是不費吹灰之力,但你有尊重過雀鳥嗎?你有尊重過大自然嗎?
何況不是只有一個人放餌,積少成多,對生態的影響實在不言而喻。
我們接受的是生態攝影————是代表著人和大自然之間的融合,而不是「花瓶攝影」————雀鳥只是你的模特兒,甚至把他當作死物看待。

放餌攝鳥,不僅是生態上的問題,更是態度上的問題。
路人戊兄,
點樣先叫任意妄為?引過萬鸕鶿算唔算?

[ Last edited by VRII at 5/03/2012 00:17 ]

TOP

Quote:
Original posted by ying at 4/03/2012 03:09

攰架!不過據理力爭咁解遮。
我攰架,不過我目標係比多d野其他人睇下呢堆假保育只為打擊佢地要打擊嘅人,而並非真正為保育
從以下呢幾張相竟然冇人譴責佢地嘅行為,只管繼續狙擊可見一斑,因為係自己友
http://www.hkbws.org.hk/BBS/view ... &extra=page%3D1


TOP

Quote:
Original posted by ivantse at 2/03/2012 01:06


但是我上網找到的報導卻和閤下的說法不盡相同

米埔放魚引鳥計劃失敗
【本報訊】自米埔拉姆撤爾濕地成立以來,當局不准在農田及魚塘上架網防雀保護私產,候鳥損害農作物及魚獲的投訴及紛爭從不間斷,數年前,漁護署與世界 ...
係羅,連專家都攪錯,點解d人咁肯定餵虫一定影響生態?莫非佢地比專家更專家?
打住保育旗號就乜都唔會錯?是實就唔係囉

[ Last edited by VRII at 5/03/2012 00:18 ]

TOP

Quote:
Original posted by ivantse at 3/03/2012 20:14


沒錯,米埔魚塘放魚計劃相信是經過WWF的專家們評估及細心考量之後才實行的,可惜的是達不到預期的效果,原因有很多,但是仍需有關方面繼續研究,但是失敗的原因並不是這次討論的重點,可以之從再找時間討論。但是這件事有一點 ...
我話過乜都要試下,做下實驗先知,而家WWF試左米知唔得羅
但某人話小小risk都唔可以take,咁某人重唔快d揾WWF算賬

TOP

Quote:
Original posted by cjacky at 1/03/2012 11:40
我都想發表一下. 係香港我暫未見到因食到大頭針而死既烏.

不過香港真係有人用過竹枝插蚯蚓引虎班鶇/ 針釘住D虫影橙頭鶇. 大可到其他FORUM/ FACEBOOK 看看朋友們的發現.  

有關虎班鶇事件, 於FB 上描述得比較詳細. ...
cjacky兄,
你所提的虎斑地鶇事件當日我也在場,你及你的朋友當日也在場,我不肯定在這件事發生時,閣下是否已離開,但閣下的朋友肯定仍在場
在事件發生後,我即時表明這樣做不妥當,而之後亦沒有再重覆
橙頭地鶫的事,如我在場也會制止
今年/季所見所聞,未再有人用針,相信用針的人也知嚴重性而停止了

TOP

Quote:
Original posted by HKBWS Officer at 28/02/2012 15:23
這是WWF Mai Po 在本論壇發的帖  : http://www.hkbws.org.hk/BBS/view ... &extra=page%3D2

如閣下對米埔保護區的生境管理工作有意見或懷疑,請向WWF 查詢。
點解HKBWS Officer咁快就跳左出來答人,就係都唔答下我呢?
咁我再問多次:

請確認以下呢張相並非由香港觀鳥會提供给蘋果日報記者




重有,有人質疑WWF放魚影響生態,你就叫人去揾WWF,點解唔可以討論下?
而有人話用虫影響生態,你唔叫佢直接揾放虫個d人?
唔通又係同一陣線,打擊異己,保護友好?

TOP

Quote:
Original posted by Sze at 29/02/2012 02:20
我們未親眼目睹的不代表不存在,就算現在不存在,也難保將來不會出現,除非我們很希望有同樣情況發生,否則我想不到我們不作任何防治工作的理由。
咦?好啱喎,我今日冇殺人,難保將來唔會殺人,你都係報警拉左我先把啦

TOP

Quote:
Original posted by HFCheung at 6/03/2012 13:44
回到主題:『<一派胡言>缺德龍友影雀變殺雀』,內容有

1. 『亂噏當秘笈』
2. 『張先主及候博士所說皆是"可能",即係講乜都得
這是繼'飛背一定係上島影'之後又一力作,利用傳媒企圖製造輿論蒙騙一般唔識雀仔嘅人.』
3. 『...用三真七假資料去穿鑿附會,利用傳媒:用特別身份發放虛假資料予未有足夠時間搜集證據的記者,誘使其報導一段大部份虛假抹黑的報導去誤導對觀/攝鳥皆毫無認識的市民,...』

似乎很多指控均是針對我或鳥會,我已就一部份解釋過,對於記者電話訪問,我事前未收到任何通知,不知算不算『利用傳媒:用特別身份發放虛假資料...』?又或者算是傳媒利用我?至於『三真七假資料』,請詳細指出,使我有機會回應,若果我發放的資料有虛假,我要在這裏收回及道歉。

張浩輝
龍友圍拍嚇窒 塱原蛇鵰「出走」
http://www.hkbws.org.hk/BBS/view ... &extra=page%3D1

星島日報地區報燕鷗專訪
http://www.hkbws.org.hk/BBS/view ... &extra=page%3D1

張先生,
以上兩題再加今次胡亂報導,皆有共通點,
就是每次均有被訪鳥會發言人,出來澄清報章歪曲其所言所意,而其所言所意均是指責'龍友',
實在不得不令人迷思,這等接二連三都是報纸/記者錯誤引述? 咁巧合?
而蘋果記者近日特別對生態有興趣,尤其鳥類,早前有領角鴞,跟住再訪藍喉歌鴝及小鱗胸鷦鶥,
記者嘅鳥訊都好update,唔知邊度收到料,又去左白喉斑秧雞,可能好快又有新稿出台,祈待.
寄語記者,唔知幾時有蒲台發展嘅專題,呢d超大影響嘅課題更值得花時間去做.

[ Last edited by VRII at 7/03/2012 01:52 ]

TOP

Quote:
Original posted by Sze at 7/03/2012 01:40


需要鳥會關心的保育事宜實在太多,雖然有點吃力,但香港觀鳥會各位職員及義工也盡量盡力地令各項同樣重要的保育工作同時進行,
不會因要保育環境而忘了雀鳥保育,反之亦然,感謝你對蒲台的關心,以我所知資料正在整理中,報章報 ...
原來報纸做緊乜你都知嘅.............

TOP

Quote:
Original posted by HFCheung at 6/03/2012 13:44
回到主題:『<一派胡言>缺德龍友影雀變殺雀』,內容有

1. 『亂噏當秘笈』
2. 『張先主及候博士所說皆是"可能",即係講乜都得
這是繼'飛背一定係上島影'之後又一力作,利用傳媒企圖製造輿論蒙騙一般唔識雀仔嘅人.』
3. 『...用三真七假資料去穿鑿附會,利用傳媒:用特別身份發放虛假資料予未有足夠時間搜集證據的記者,誘使其報導一段大部份虛假抹黑的報導去誤導對觀/攝鳥皆毫無認識的市民,...』

似乎很多指控均是針對我或鳥會,我已就一部份解釋過,對於記者電話訪問,我事前未收到任何通知,不知算不算『利用傳媒:用特別身份發放虛假資料...』?又或者算是傳媒利用我?至於『三真七假資料』,請詳細指出,使我有機會回應,若果我發放的資料有虛假,我要在這裏收回及道歉。

張浩輝
1.『亂噏當秘笈』

請看回我在#11的說話,已經講左乜野係亂嗡,並冇指係觀鳥會或係張先生,除非以下的料是觀鳥會或係張先生所放的啦

針釘蟲仔作餌 小鳥吞下身亡 缺德龍友影雀變殺雀-----標題講到真係發生左咁
大埔滘咁大,佢哋點知隻雀會係嗰度現身?-------佢知唔知大埔滘有幾多小鱗胸鷦鶥
小鱗胸鷦來港過冬------佢幾時變左候鳥,嘩!!! 整整下連個鶥字都冇埋   
被餵的候鳥可能因此離開原本的棲息地------掛住食離開屋企??

'隻小鱗胸鷦好快會變家禽,佢遲啲會以為聽到雀聲就係叫開飯'
'家有人負責埋佢哋食物,有可能會改變佢哋習性'
餵慣餵熟又聽慣聲,佢地個7個鐘去左邊?可能習牲已改,太過好食好住,肥得滯,去左纖身班,做下尖都唔定   
http://www.dchome.net/viewthread ... &extra=page%3D4
http://www.dchome.net/viewthread ... &extra=page%3D4
http://www.dchome.net/viewthread ... &extra=page%3D4
台灣雀黎架,唔同色架
連圖鑑嘅相都拎埋出黎當放虫影,鳥會都比佢過左一幢 ;P
係呢,點解咁開揚嘅?唔係樹林地面活動的隱蔽鳥種咩?
人地纯天然影架,我問過相主,佢完全唔知張相比人用左係報纸,即係話張相係偷嘅 又或者係經鳥會比記者嘅,因為相主只比過相鳥會印圖鑑用,希望鳥會澄清一下
一篇咁嘅報導,係唔係一派胡言?隨口噏當秘笈?
更顯放料比記者嘅人有幾專業,對鳥類認識有幾深

2.『張先主及候博士所說皆是"可能",即係講乜都得
這是繼'飛背一定係上島影'之後又一力作,利用傳媒企圖製造輿論蒙騙一般唔識雀仔嘅人.』

既然用'可能'這個詞語,張先生也說'可能'發生也'可能'不發生,那我可以說小鱗胸鷦鶥為左食虫'可能'會咬人,'可能'會打走猛禽,'可能'會強姦第二種雀,真係冇限'可能',講乜都得,不是嗎?

3. 唔係我的說話,恕不能代答




'關於"雀鳥連針帶蟲吞下亡",記者已準確表述是我聽到的事,我也不會去追查是否在香港發生,如果有人做這樣的事,我建議這人重新考慮對鳥的影響,畢竟我認為大多數攝友都會珍惜鳥類。'
我覺得作為觀鳥會認可發言人,聽聞而未有核實,實不該向傳發放,如果有人同你講我為影雀斬人,你唔核實又向傳媒講,係唔係對我唔公平?而這個聽聞被引用至標題,不就是對香港鳥攝者唔公平嗎?

既然張先生是觀鳥會認可發言人,就煩請張先生證實以下圖片並非觀鳥會發放給蘋果日報吧.


我並非每天皆訪此網,請諒

TOP

Quote:
Original posted by ying at 10/03/2012 01:28

我同意你講坐在墳墓上事件(我同你竟然有相同意見!可見不打不相識 不過我知道是那類人 )話說幾年前我到蒲台拍鳥,碰到鳥會蒲台導賞團帶住一班觀鳥者,瞬間失去蹤影,我不以為意,繼續尋鳥,由學校拾級 ...
啊,八色鶇
'聽講'石崗等蜡咀雀又有成班人俟住人家墳頭,又係觀鳥團,你知唔知?

[ Last edited by VRII at 10/03/2012 01:48 ]

TOP

Thread