Quote:
Original posted by lchunfai at 30/07/2008 10:47 
教育可以找我地學生係學校宣傳
唔係想潑你冷水，即使係自己學校有熟既老師幫你都好難做到咩，教育宣傳，d同學老師聽完就算
我自己上年係學校Environmental Protection Club既會長，呢個學會主要係學校搞搞震，又或帶自己會員出outing
呢個會我一共join咗4年，做過d咩有貢獻既我自己都知唔多，一隻手都數得唒
個人鍾意雀，自然有d活動會有少少偏向雀。但效果呢?簡直係惡劣。
例如好耐好耐之前，參加個巢箱比賽之後，想掛個箱上樹費時浪費，第二日已經有好多家長打黎學校投訴，原因當然係話有禽流感，之後就拆返
我曾經都報過學界學校觀鳥比賽，呢個好個人既，最多只係要攞學校名黎用，但又俾學校話呢樣唔得果樣又唔得
最多只係帶過d人睇學校外面棵筆管榕上面果兩個黑領椋鳥巢，跟住都無咩特別話有觀鳥呢類活動
其他既，我地租過白海豚展板，有人睇咩…?我自己真係唔多覺有人停係到睇啦…
我自己就會搵自己同學去睇呢樣睇果樣，部份佢地都有少少興趣，例如係斑頭鵂鶹(我同佢地講貓頭鷹)，佢地第一句會講：「原來香港有貓頭鷹架?好呀好呀!」 不過佢地早排斑斑仲係到時走唒去做summer job，所以最後都無去到
自己學校一對就會最少5年，日對夜對都唔得既話，其他真係好難搞
當然希望你能夠成功，努力努力!!!
