Sze

好友型




八卦餅乾盒型




繩結型





電錶型








開門大吉型





登堂入室型






光管型





鐵枝型





開洞型




咭紙鐵網型




八卦型




鐵網兜底型





吊籃型，可惜此情不再了！







擠迫型！





看守型！




鴛鴦型！




鴛鴦型旁邊有另一個鴛鴦型！





光管型變左好心膠兜型！



[ 本帖最後由 Sze 於 5/07/2008 01:50 編輯 ]

HKBWS Bonnie

哈哈~~~ 好得意呵~~~ 多謝阿sze 分享!

jemi

喜歡「開門大吉型」 和 「八卦型」，謝謝分享!

Sze

多謝欣賞呀! 再有奇怪燕巢時就再post上黎同大家分享!

wleepoin

Very funny & interesting, love them all : )

Thanks for sharing

PWMK

mbill

Sze
you are the best 最有型.!

Sze

PWMK and Bill! Thank you for your comment and support!  

[ Last edited by Sze at 9/07/2008 01:22 ]

Sze

今日去巡巢時，當行過一個棚架時，
突然聽到家燕幼鳥的叫聲，
條件反射下就四圍搵，　
結果發現係棚架既後面，
發現有一巢有幼鳥的家燕巢在騎樓底，
被棚架重重包圍！　

但當時已經是下午6時，　
正心急諗辦法點樣令呢巢家燕唔會被網包圍時，　
我見到個騎樓底好似是剛剛油了新油漆，　
心想可能工程已經完成，　
然後見到該騎樓底的舖頭的老板娘企係門口，　
見佢個樣好似好nice，　
於是就唔理咁多一個箭步走上前問老板娘
個棚架幾時搭的？是否新搭建的呢？

個老板娘真係一個好人，　
佢二話不說就回答我：
「唔係！搭左好耐架啦！明天都應該拆了！」

我當堂放下心頭大石！
然後對老板娘說：
「那太好了！因為我見到有一巢燕子在那裡！我怕牠們會被困！」

老板娘又答：
「啊！唔怕，佢地好醒目架！佢地識飛入黎架！
而且之前有落網架！不過都有留d 洞俾佢地出入的！」
「唉吔！乜原來門口有一巢呀！我只係知個邊有咋！」
跟住老板娘就好開心咁對舖入面既人講：
「喂！原來門口有一巢呀！」


跟住老板娘又對我說：
「呀！佢地真係好鬼醒目！識係呢度築巢！呀！點解佢地唔係樹林裡面築巢既呢？」
跟住我就同老板娘講起燕子經來了！
講完後，我就連聲向老板娘道謝並道別了！

跟住行左無幾遠，又聽到家燕叫，於是又四處搵，
跟住又發現有間士多係門口個騎樓底裝了三個小木架，　
用黎俾家燕築巢用！而其中兩個都有燕巢！
不過因為怕阻人做生意，所以沒有拍照！　

又一次証明人同鳥真係可以和諧共處的！
而且只要肯俾一條生路佢地，
家燕係可以排除萬難咁養大d仔的！
佢地真係好叻！

Sze

今年一直忙著, 今日終於有時間執下呢大半年來影既相！
好啦！今年精選！

滾輪型




唔怕噪又唔怕熱!





花球都得?





06年既開門大吉型,保持到09年,不過對桔就乾到縮水!





登堂入室型依然keep住!





失而復得巢, 係青衣一屋苑內曾被拆巢, 後有好心人舉報, AFCD調停後, 今年終於有一個安全的家!




工廠型, 某工廠區內, 只此一巢!
而且呢座大廈沿路逢電挈位都有一巢, 共有5巢之多, 不過得呢巢有雀!







二樓水渠頂！





好心膠兜型又變返光管型！





八卦型都KEEP住，而且好心人在巢下放了報紙兜住D鳥糞！







另一個光管型（九龍區代表！）





射燈型（九龍區代表！）







好心籐籃／膠籃型（九龍區代表！），有隻家燕係度架！









喇叭型








俾光管照住既招牌型







暫時係咁多先啦！



[ Last edited by Sze at 20/10/2009 00:09 ]

Cassie

very interesting , thanks for sharing

Sze

今年燕子繁殖季節又開始了！　
不過唔知係唔係之前的天氣太時冷時熱，變化太大的關係，
所以今年回來的市區燕子似乎都少了很多及遲了！
望到頸都長終於等到市區有燕BB出世了！



呢巢附近的街坊好錫佢地！我係個度拍左一陣就已經有成4-5個街坊同我地講話d燕子陪左佢地十幾年，
仲話個籃係佢地放上去俾d燕子的！不過d燕子唔用！
而昨日對燕父母見我生面口，原本係出面搵緊野食餵仔既都要特登返黎企係個籃度，好似要監視我咁！因為怕嚇親燕父母同餓壞燕BB，所以我跟住都快快地走了！

希望多D人會錫佢地多D，咁佢地就可以生活得好D了！



[ Last edited by Sze at 5/05/2010 21:19 ]

jacwu

Thanks for sharing! Very interesting!

lun9394

女朋友叫佢做 T-back 型 ...

cpatrick

還記得08年青衣一屋苑曾被拆的三個巢嗎？後來還發現了第四個。它們最後都安居了，但我卻苦惱了 ----- 三十多隻燕子明年全來築巢那怎辦？年復年可嚇人！但（這些寶貝像懂人事般）巢這兩年都是四個，有人可告訴我它們是如何擇居嗎？

你可知道將獨立的小燕離家前喜在家園低空徘徊，不捨地在常駐點高歌驪曲後才往山處飛，此時新一代又將誕生了。

今年與前三年有點不同。回歸後的一天晚上有八隻燕在同一巢內宿夜，另兩巢各三隻，可能如網友說那夜驟冷吧，卻也許表証著燕家族雖散而不遠。頭胎十二隻，一巢無所出﹔ 端午前第二胎十一隻，一巢仍在努力中。頭胎不出的那家今趟生了三隻，這巢回歸初曾有三隻聚居﹔ 不知怎的，近一週多的日子只見一隻燕在守護餵哺，在十數步之遙卻多了是一對來定居﹔ 另一隻發生意外嗎？還是另結新歡？（研究說鳥也有離婚﹔）看著它獨力持家，晚上孤獨的在巢的對面守著，心戚戚焉！

看報告，青衣只有六巢家燕，無雨燕﹔ 我每週都登三枝香嵿數遍，看見很多家燕、白腰雨燕在嵿空徘徊，有些還向我撲面歡迎，故燕巢應不是此數。

Sze

Quote:

Original posted by cpatrick at 28/06/2010 10:38
還記得08年青衣一屋苑曾被拆的三個巢嗎？後來還發現了第四個。它們最後都安居了，但我卻苦惱了 ----- 三十多隻燕子明年全來築巢那怎辦？年復年可嚇人！但（這些寶貝像懂人事般）巢這兩年都是四個，有人可告訴我它們是如何擇居嗎？

參考一些外國的文獻資料，家燕的平均壽命大約只有4年，而且牠們在遷徙時會因惡劣天氣，體力不足，或遇獵食者而死亡率很高。所以全數回來的機會率很低。

家燕在市區築巢選址偏好簷口，而附近有公園／小山坡（提供築巢用的泥土及愛吃的飛蟲！），有露天街市／街燈（晚間吸引大量飛蟲，方便覓食！）

Quote:

Original posted by cpatrick at 28/06/2010 10:38

今年與前三年有點不同。回歸後的一天晚上有八隻燕在同一巢內宿夜，另兩巢各三隻，可能如網友說那夜驟冷吧，卻也許表証著燕家族雖散而不遠。頭胎十二隻，一巢無所出﹔ 端午前第二胎十一隻，一巢仍在努力中。頭胎不出的那家今趟生了三隻，這巢回歸初曾有三隻聚居﹔ 不知怎的，近一週多的日子只見一隻燕在守護餵哺，在十數步之遙卻多了是一對來定居﹔ 另一隻發生意外嗎？還是另結新歡？（研究說鳥也有離婚﹔）看著它獨力持家，晚上孤獨的在巢的對面守著，心戚戚焉！

家燕幼鳥學識飛之後只會再跟親鳥生活多一至兩星期學習生存技能，之後就會飛走，混入其他燕群中獨立生活！

而餘下的親鳥就可能預備第二窩蛋。孵蛋是雌雄二鳥輪替負責的，所以有時只會看見只有一隻親鳥在巢中孵蛋，而另一隻就出外覓食的情況，不用擔心的！

Quote:

Original posted by cpatrick at 28/06/2010 10:38

看報告，青衣只有六巢家燕，無雨燕﹔ 我每週都登三枝香嵿數遍，看見很多家燕、白腰雨燕在嵿空徘徊，有些還向我撲面歡迎，故燕巢應不是此數。

青衣是有小白腰雨燕的巢的，只是鳥巢位址都是敏感的資料，所以不方便公開，敬請原諒！
另外，亦有鳥友通報一些我們之前不知的家燕巢位置，所以家燕巢的數目也不只這個數量的，應該可以再多一點點！

如有興趣知道更多家燕的資料，建議可以瀏覽以下網貢，資料頗詳細的：
http://animaldiversity.ummz.umich.edu/site/accounts/information/Hirundo_rustica.html

cpatrick

十分肯定此三隻雛鳥巢現在是單身家庭，從它們回歸到現在，每天早午晚餐、下午茶到睡前我到花半小時去看看四個巢的現況，所以十分清楚。

資料已讀了，謝謝。

cpatrick

不知妳知否第四個巢的位置，它和其它巢的位置不同，天各一方﹔ 08年管理處投訴事件完結後才被發現。

Sze

Quote:

Original posted by cpatrick at 29/06/2010 00:13
不知妳知否第四個巢的位置，它和其它巢的位置不同，天各一方﹔ 08年管理處投訴事件完結後才被發現。

位置是知道的! 因為有義工在5月中巡查並記錄了! 謝謝!

Sze

真的不得不對牠們的建築技術深表拜服!

Sze

今日第一次見識到原來家燕同小白腰雨燕係可以生活在同一屋簷下的。（之前仲以為佢地係絕對水火不容添。 ）
而且原來如果小白腰雨燕個巢的門口太大的話，家燕係會入去住的。  
對我個人來說是兩個新發現！不過有可能是我大鄉里吧！對於有巢在家的朋友來說，可能不是什麼新奇的新發現。




睇住隻家燕從紅色箭嘴位置入左呢個小白腰雨燕巢。



[ Last edited by Sze at 5/06/2012 02:08 ]

Sze

衣架屎兜。
屎兜寬度可隨意調較，高智慧設計！