更新《生物多樣性策略及行動計劃》（BSAP）：公眾諮詢
香港政府正就更新《生物多樣性策略及行動計劃》（BSAP）展開為期兩個月嘅公眾諮詢。
今次BSAP嘅更新將會於2025年內推出，並且喺未來十年實施，對香港生物多樣性影響深遠。
公眾諮詢即將於2025年7月11日結束，本會呼籲公眾把握機會，向政府反映你嘅諗法，共同守護香港生態嘅未來。
本會建議政府考慮以下五個重點：
1. 制定后海灣濕地嘅綜合管理計劃
2. 推動符合國內外標準嘅OECM同NbS
3. 促進大灣區跨界協作同溝通
4. 增加政府各部門喺生態保育方面嘅財政同人力資源
5. 建立生物多樣性指標系統
（詳細請見文末）
提交意見：
1. 有機構整咗個網上平台，方便大家提交意見：
https://speakfornaturehk.org/public-consultation/%e7%82%ba%e9%a6%99%e6%b8%af%e8%87%aa%e7%84%b6%e4%bf%9d%e8%82%b2%e7%9a%84%e6%9c%aa%e4%be%86%e7%99%bc%e8%81%b2/?fbclid=IwY2xjawLZrshleHRuA2FlbQIxMQBicmlkETFaR2lEaHFRYUhpYWNTd0pEAR5xx82P_ZZ6XThPhFusXZAx2h0VIcvc-74_wyUbThNsZC0CjM4LlEbtH2cJSA_aem_Zum-wZTejzvaKapeg0HeKw
2. 直接向漁護署提交：
?電郵（Email住址會使用灌水程式保護機制。你需要啟動Javascript才能觀看它）
✉️郵寄（九龍長沙灣道303號長沙灣政府合署5樓漁農自然護理署生物多樣性護理科）
?傳真（2314 2802）
公眾諮詢官方網頁：
https://www.afcd.gov.hk/tc_chi/conservation/Con_hkbsap/updating_bsap/updating_bsap.html
| 提交意見 |
本會建議政府考慮以下5個重點：
1. 制定后海灣濕地嘅綜合管理計劃：
政府可借鑑內地《濕地保護法》經驗，通過立法明確濕地保護區劃定、管理原則及公眾參與機制；同時應擴充后海灣拉姆薩爾濕地範圍，將周邊2,000公頃魚塘濕地納入國際保護系統，確保濕地生態系統完整，繼續支撐高達10萬隻水鳥來港度冬。
2. 推動符合國內外標準嘅OECM同NbS：
政府應發揮關鍵推動者角色，借鑑各地成功案例，推廣應用「其他有效區域保育措施」（OECM）同「基於自然的解決方案」（NbS），確保相關措施符合國內外嘅標準同規範。例如，內地已經有獲認可嘅案例，國際自然保護聯盟（IUCN）亦有全球NbS標準可參考。同時，政府應留意OECM與NbS可以由現有項目衍生發展，例如「鄉郊保育資助計劃」下資助嘅「河上鄉自然保育管理計劃」，就獲提名為中國潛在OECM案例。
3. 促進大灣區跨界協作同溝通：
BSAP諮詢文件顯示，國家的《中國生物多樣性保護戰略與行動計劃》（NBSAP）中有兩項優先項目直接涉及粵港澳地區。「一國兩制」框架下，大灣區內各持份者（包括政府部門）嘅參與存在一定限制。政府應採取主導，推動大灣區城市間更深入嘅交流合作，加強粵港澳政府、學術界同環保非政府組織的嘅常態化對話同知識共享，提升生態資源嘅管理成效。
4. 增加政府各部門喺生態保育方面嘅財政同人力資源：
爲進一步推動自然保育同生物多樣性喺各部門間嘅主流化，政府應重新評估同增加相關資源嘅分配，尤其係環境生態局同漁農自然護理署，以確保恆常嘅生態監測同保育工作能持續同有效地進行，並預留資源喺其他工務部門開拓新嘅自然保育方針。
5. 建立生物多樣性指標系統：
香港需要一套全面且具代表性嘅指標系統，相關指標應反映香港獨特嘅生態環境，同埋對國家NBSAP嘅貢獻，並且具問責制以推動保育工作及同減少對生物多樣性的威脅，以有效監測同評估自然保育的成效。本會曾利用一套由民間制訂同經過廣泛諮詢嘅指標，監測香港嘅保育進展(https://www.hkbws.org.hk/cms/phocadownload/submissions/HKBiodiversity_18_20_ch_HKBWS.pdf) ，並量度香港十年間喺20個生物多樣性全球目標下嘅進度 (https://cms.hkbws.org.hk/cms/work-tw/monitor-tw/bio-10yr) 。
